لقيت اكبر من جروحك جروحك ماهي بقدي
فلا تعتب على سيفي اذا سيفي كسر سيفك
مادام الوقت متردي وحظي معه متردي
انا بمشي على كيفي ماني ماشي على كيفك

انا داري بتستغرب واعرف بيزعلك ردي
تعبت اضمى بحر حبك وانا واقف على سيفك
رخص قدرك بعد ماكان قدرك وييين متعدي
ماعاد اشفق على بردك ولا اشفق على صيفك

خلاص العذر ماينفع مادام ان الزمن ضدي
تكلفت بمحبتنا ولو ما شفت تكليفك

تبي عاد الصحيح الي دفنته من ورى سدي
انا خايف من الفرقى لو انها ماهي تخيفك

انا خايف من دموعي اذا سالت على خدي
وطيف خايف منه كثر ما اشفق على طيفك
اذا ردت على قلبي ماودي احسبك ندي
ولا ودي تخليني ولا بإمكاني اعيفك

ولو انها علي ردت فانا ودي ولا ودي
يشوق القلب نظراتك ورده عنك تزييفك
قبل لا امشي على كيفك تبي قربي تبي صدي
تبي تشره تبي تقعد تبي تمشي على كيفك