علموه اني ا حبه لو وصاله ما وصل
علموه اني اعزه وكل صعبٍ له سهل
و بلغوه انه مسيطر ول فؤادي مستحل
يعني ان يوم المفارق شي ماهو محتمل

انت عارف وانت داري بالحقيقه لا تسل
انت تعرف قدر حبك وسط قلبي مستقل
وانت تعرف عندي الدنيا بلا قربك ملل
والفرح من غير ماشوفك معي ما يكتمل

فيك من سحر المعاني لاقت ابيات الغزل
فاللطافه والحلا صاير ألذ مْن العسل

انت حاجه مستحيله تنوصف يا للخجل
كيف اعبّر عن وصوفك بالحروف وبالجمل

ودي اطلب منك تكفى لاترد اللي سأل
قول يا حبّي عطيتك وعطني الوصلك امل
وش سبب سهْر الليالي و الدموع مْن المقل
وش سبب طول انتظاري واهتمامي و الوجل

هو سبب سهْر الليالي انّي لْشوفك عجِل
هو من اشواقي لهايب طيّحت دمعة رجل
هو سبب طول انتظاري واهتمامي بالفعل
انّي بقلبي لحالك ما لحد غيرك محل