على الذكرى ترى الميعاد باكر
تبادلني مشاعرك الدفينة
انا وشوقي واحساسي ومشاعر
وله متعه وآمالٍ حزينة

بقايا حلم من احلام شاعر
يدور ما بقاله يا مدينه
احاول بس انا ماني بقادر
رهين الوصل واشواقي رهينه


اذا تقدر على المطلوب بادر
ترى من يستعين الله يعينه
قبل ما ينكسر للحب خاطر
تذكر لذة القلب وحنينه

متى بتتوب من كسر الخواطر
انا البحار وانتظر السفينه
اذا وفيت انا مقدر وشاكر
واذا قصر زمانك عاذرينه