تشيلين يالصحراء كثر صدري هموم بصمت
وخطاوي عابرينك يمحي الله جرحها بدري
انا ياما انطعن ظهري قبل صدري ولاعلمت
وانا مؤمن بإن الله خلقني عاليٍ قدري


لذلك من هنا ورايح انا ياخاطري عزمّت

مايسكن صدري الا شامخٍ يستاهله صدري
وابادر بالسلام اللي يكبّرني إذا سلمت
ولا اتواضع مع الحاقد ولا منهو نوى غدري

ولا احلم غير بالصعب المحال إن كانني حلمت
وانا وعزمي وطموحي مايأسنا وكلنا ندري
بأني كثر رملك يالصحاري شمت وتألمت
وبدفن فيك حزن اموت ومحدن فيه مايدري