ماجور يازين وش حالك
انا اتشفق على لقياك
يفوح عطرك مع اقابلك
وهبت هبوب الهوا بذكراك

شكلك وعنقك وسلسالك
ثلاث تحصر على مبداك
وخصرك شبر يشكي اعمالك
ضمرت خصرك وزان احكاك

مبسمك برقً كشف شالك
اتلوح لي والولي يرعاك
وانا اتحراك وابرالك
ياجعل من لامني يفداك

دقيت من رقم جوالك
واثر اتصالي فشل ماجاك
امن اول اجيك واعنى لك
وادوج في دارك وبحمالك
واليوم من عاد يصفى لك

هذاك جابك وذا وداك

انا اتقصى من احوالك
واثر المقادير ماتحداك
عذبت حالي مع حالك
والجرح في خافقي ينعاك
روحت مني على فالك
وياليت قلبي بعد ينساك

رفعت قدرك ومنزالك
ولانت عزيت من خلاك
ضو الشتا تقصر اظلالك
في اليل والبرد ماسراك

اخاف لاتجلس لحالك
يروح ليلك على مركاك
وشلون ماطرى على بالك
وطواري الحب ماتخفاك
غنيت بيتك وموالك
وحلفت من بعدها ما انصاك