صوت الجماهير (وطني) – محمد عبدالوهاب
صوت الجماهير هو اللي بيصحي الاجيال
صوت الجماهير هو انتفاض عزم الابطال
هو اللي بيتكلم هو اللي بيتحكم هو البطل ورا كل نضال
(عبد الوهاب)
مـــن عهد ادم و الظـــلم حــاول يـعادى دايما شـــمل القلوب
والشعب دايما كان صوته عالي والنصر دايما كان للشعوب
فى تاريخ كل نضال
على مر الاجيال
يبتدى من همسات بترج آهات الظلم فى كل ضمير
وانتصرت خطوات
وانطلقت صيحات
تفضل تكبر تفضل تعلا لحد ما تبقى صوت الجماهير
صوت الجماهير صوت الجماهير
(نجاة)
واليوم بنجني ثمار جهادنا والخطوة عايزة عزم وثبات
في كل خطوة ملاين بتبني أجيال طويلة بالمعجزات
أتقابلوا الملاين
يوم ثلاتة وعشرين
يوم الشعب العربي مافجر أول ثورة للتحرير
أتعاهدوا الثوار
واتفقوا الأحرار
يبنوا طريق العزة وحطوا أيديهم في أيدين الجماهير
صوت الجماهير صوت الجماهير
(شادية)
بطل العروبة رسم حروفها خطوط عريضة فوق الطريق
أهـــلا ومرحب بكل عربي يمد أيده لأخوه الشــــقيق
أهلا بالأبطال
صناع الأجيال
يا اللي الوحدة الأم طريقكم خلوا بقية الركب يسير
سيروا بعون الله
واسعوا بأمر الله
غير الله ما في قوة حتوقف من تيار زحف الجماهير
صوت الجماهير صوت الجماهير
(فايدة كامل)
باسم اتحادنا قوم يا كفاحنا قل للصهاينة المعتدين
راية العروبة عرفت نجومها من عام ثمانية وأربعين
حطمنا الأصنام
ومحينا ...
ما بقاش فيه عميل بيردد صوت أسياده على ...
خط النار موجود
والجماهير بتسود
دقت ساعة العمل الثوري في فلسطين باسم الجماهير
صوت الجماهير صوت الجماهير
(فايزة أحمد)
يا دولة كبرى فرضت وجودها فداك يا ما ضحى شباب
شهيد حياتك عرف النهارده مارحش دمه تحت التراب
عهد على الملاين
عهد بألف يمين
نحمي تراب أرضك ياجزائر ....
عهد على الملاين
عهد بألف يمين
عاش النصر بأرض اليمن الحرة وعاش صوت الجماهير
صوت الجماهير صوت الجماهير
(عبد الحليم)
يا شعوبنا الحرة يا عربية كافحي و زيدي ثبات و عناد
وان كان فيه للغدر بقية نار الغدر حطبها رماد
نار بتصحينا .. نار بتقوينا ..
مهما اتآمروا علينا .. مبادئنا بتحمينا
مابقاش فينا خضوع
بابتسامات ودموع
توب الغدر بيفضح نفسه حتى ولو ملفوف بحرير
خط السير معلوم
وطريقنا مرسوم
هو الوحدة والاشتراكية و الاتنين هدف الجماهير
صوت الجماهير صوت الجماهير
لا يوجد تعليقات حالياً