يالي هجرت القلب من دون سبة
ترى الجفا مخلوق للي يجافيك
انت الحيا الي فالمحاني مصبه
حرام تتركني و انا خاطري فيك

اشوف طيفك و احسب اني مشبه
اثر الطواري كل ابوها طواريك
البحر له غبه و للحب غبه
وانا الغريق اللي على حطة ايديك

بعيد يا جرحي وحزني و طبه
يا ليت لي موطى ندم في محانيك
وشلون تترك قلب مثلي مسبه
نسيت من يغليك وشهو موصيك

الي بنفسك لا تضايقت نبه
الشك ياخذ منك ماهوب يعطيك
الوصل عفو والتجافي منبه

ورسايل العشاق للود تشييك

ارب قلبك مانسى الود اربه
ولاباع منهو باع روحه وشاريك
مدا الحياة ايام كيف المحبه
اسرع من الحظه على قلب مغليك

ريح العذل يامن تجاهل مهبه
يدخل مع الابواب ولا الشبابيك
خل العذول ومايقوله مطبه
والوقت عن غل العواذل يكفيك

لازان لك ريع المحبين المحبين ذبه
وناهيك من كثر التشراه ناهيك
مازن لك هاته وما شان كبه
ومالك ومال الي من الهرج يغثيك
ولا عاد تهجرني جفا بدون سبة
حرام تتركني وانا خاطري فيك