ربع السوالف والرخا والوناسه
ماهم ب ربعي لو بني عم واجناب

رفيقي اللي لضيقتي شاش راسه
شواربه تسوى لها عشرة اشناب

في حزة الموقف تجيه الفراسه
ماهوب خبل ٍ شايل الخرج والداب

يدوس قيعان الخطر في مداسه
وتهابه الروس الشجاعه ولا هاب

يمحي عماس اللي تزايد عماسه
ويطلق حجاج اللي من الضيق منصاب


يكرم عن دروب الردى والنجاسه
واردى فعوله / دايم مشرع الباب

المرجله فيها السمو والرئاسه
ودمح الخطا لا شفت زلات الاحباب

وفيها الكرامه والكرم والسياسه
وفيها الحشيمه والعزيمه والآداب

وما نتبع المقفي اذا شان راسه
ماعاد تفرق عندنا ان رد او غاب

حنا درسنا في زمنا دراسه
من باعنا برخيص بعناه بتراب