ياللى انت خليت السما بالشمس بتنور
وهلال بيتحول قمر ..سبحان من صور
انت اللى عارف نيتى وبرحمتك عارفالك
مطرح ما عينى تلتفت .. فى كل شىء شايفاك

فى فرحة اللى مصلى الفرض
فى سجدة المؤمن عالارض
فى رضاكى عنى يا امى .. اللى محلى الحياة
فى نصيحة ابويا ليا .. خليها على الله

بدوب فى حبى لربنا ومحبته عبادة
النيه صافيه وجنبها سبحه وسجاده
بنسى عذابى وشكوتى .. لما افضفض ليه
وانده عليه فى وحدتى .. قبل الندا الاقيه

فى فرحة اللى مصلى الفرض
فى سجدة المؤمن عالارض
ياللى انت اقربلى منى... عمرك ما كنت بعيد
الكون ده كله يمكن... وانت بس اللى اكيد

يارب

بحق ما شقيت لموسى جوة البحر طريق
بحق ما رزقت مريم مية تبل الريق
بحق ما حفظت يونس جوة فى بطن الحوت

بحق ما نجدت ابراهيم من اللهب والموت
بحق يوسف الامين على تلال المال
بحق ايوب ما صبر صبرة يهز جبال
ترزقنى ضى فى سكتى وكتابى باليمين

وتصلى على سيدنا النبى امام المرسلين
عليه الصلاة والسلام

بدوب فى حبى لربنا ومحبته عباده
النيه صافيه وجنبها سبحه وسجاده
بنسى عذابى وشكوتى لما افضفض ليه
وانده عليه فى وحدتى قبل الندا بلاقيه

فى فرحة اللى مصلى الفرض
فى سجدة المؤمن عالارض
فى رضاكى عنى يا امى .. اللى محلى الحياة
فى نصيحة ابويا ليا .. خليها على الله