ما لوم قلبي فيك متمسك
من وجهك و مشيتك مع حسك
أغار لو كان الهوا مسك
ي الموت باشكاله

وجهك مثل همال وسميه
من غيمة ب ارض جنوبيه
ما شابها عجه ترابيه
من صفوة اهطاله

يا ويل عين شافت عيونه
ورموشه اللي ترسم اجفونه
حواجبه فالزين مقرونه
بالعيد واهلاله

خده مثل خد أحدث اولاده
غرو عليه اخدود وراده
والجيد حاضن حدره اقلاده
يا حظ سلساله

مني و لو ما اجدوده اجدوي
زينه اصيل و منتج اسعودي

عطره جدور و عود كمبودي
يمناه وشماله

يكسر قوي القلب وايتله
للي يشوفه مقبل كله
يمكن يكره خل في خله
في لحظة اقباله

يا قبلة الحلوين يا أنتيكا
عربان و أروبا مع امريكا
والصوت بين اشفاك مزيكا
امصيبه الحاله

انا عشقتك وانت عاشقني
لا فارقك والا تفارقني
ابيك فالدنيا توافقني
يا سلوة الداله

أنا حبيبك ربه إلهك
يبغى رضاك و يكره اكراهك
لا مر من قدامه اشباهك
ما جو على باله