دايم تبي تبعد ودايم تخلى
عني ولا تسأل وش اللي جرى لي
يا ناكرٍ عمري وحاشا وكلا
مامنّ قلبي بس منك اشتكى لي
اثرك ضحيت فيه والمشاعر تسلى
وانا الذي كنت احسبك راس مالي
جرحت قلبي وزدت الطين بله
واصبح يزود الجرح اول وتالي
حسبي عليك الله الذي عز وجلا
خليت زولك ساكنٍ في خيالي


قلبي مثل طفل صغير وزله
مالي بدرب الحب ما هو مجالي
يا لعن ابو حبٍ اذا عز ذله
ارخصت نفسي بعد ما كنت غالي
درس خذيته منك ما هو بسهله
بعض البشر حده كلام يقالي
ما يرحم الا الله وكبرك تعّلى
اسقيتني مرك وضيعت حالي
يا ما انصحوني من تغلى تخلى
ماكان يسمع قلبي ومايبالي