جفاني وابتعد ماخاف ربه
و أنا اللي كنت احسبه ما جفاني
تحملت وصبرت وقلت أربه
يعود وما هقيت انه نساني

اجيلك ي الغلا من غير سبه
بلا موعد واشوفك لو ثواني
دوا جرحي و دكتوره وطبه
وحبك حل من خلف المحاني

مريض الحب تكفى لا تكبه
من فراقك و طعناتك يعاني
هذا وانت الوحيد اللي يحبه
وش اللي صار ي ترف الثماني


احبه ثم احبه ثم احبه
ولا ابدل غلاه بشخص ثاني
وقلبي كل دقه له منبه
تمره بالدقايق و الثواني

حَطَبْت ضلوعي وصدري مشبه
اعاني اه من نارك اعاني
عن الشمات تكفى الجرح خَبًه
من الآهات ما جاني كفاني

يا دم عروق قلبي يا مصبه
تراك اللي بقى لي من زماني
لعبت بقلب غيرك ما لعب به
ترفق بي ترفق يا أناني