جبلنا بدمنا ترابه جبلنا

مهما الدهر غضباته جاب لنا

منبقى هون ما منترك جبلنا

تراب الارز اغلى من الدهب

يا قلبي كلما جفني بكي مشي

وروح اسالي حبايبنا بكم شي

عساك تروح وتتوفق بكمشة

من تراب ال مشوا عليها الا حباب

يا هلي يا ياب

يا جرن انت ال من حجر لبنان

ياما عليك تفرعوا الغزلان

ع مدقتك ياما انشد زنود

وكل ما اكلت قتلة شبع جوعان

الكبة هيدي اكلتنا والبرغل من حقلتنا

عمرها من عمر الضيعة وما منغير عادتنا

وهالكبة لبنانية نية مليحة ومشوية

وما اطيبها مقلية ناخدها زوادتنا

وهالجرن القاعد معنا ومقطع من مقلعنا

بيطعمينا وبيشبعنا وما بيزعل من ضربتنا

ما احلى هالجرن الكبة بيلقى الضربة عالضربة

متعود ع ايد محبة هي ايدك يا جارتنا