تدفى زين وطمني عن احساسك معا هالبرد
وهل باقي اذا مر الشتاء اطري على بالك
عسى لا يكون احد غيري عرف بأنك تحب الورد
عسى مثلي بعد مشتاق وودك اعرف احوالك

عساك بخير هوه الي انا احتاج اعرفه من جد
اغاني الحب ترجعني ورا واحن لوصالك
انا واحشني منك اسمع حبيبي اشتقت لي وش قد
ولا تنسى تكلمني اذا صرت انت بلحالك


وشكل الغيم بعيونك وقطراته لاجت عالخد
وشعرك لا حظن بعضه وناداه بوله شالك
وليلك لا هدى ضيّه وصمتك كان اجمل رد
خجلك الي يسولف عن جمالً له تهيا لك

وشباكك وذاك العطر واشياء معك ماتنعد
عسى للحين حافظ لي صور باقي بجوالك
انا فاقدني من بعدك عسى الله يقطعه من صد
اذا الواقع رفض بُعدك وخيالي كله اطلالك
تدفى زين وطمني عليك ولا يجيك البرد
احارب هالشتاء بعدك وحيد وفي يدي شالك