بكيت – مزعل فرحان
بكيت من كثر المصايب و ونيت
ما فادني يا ناس كثر الونيني
ما مر يوم في حياتي تهنيت
وأشقاني الله في بداية سنيني
ما جتني الدنيا على ما تمنيت
ولا غثاها قبته ما يجيني
لو ينفع المضيوم ترجيت ياليت
أنا أتمنى الموت لجل يجيني
يا ما من اللوعة مع الورد غنيت
وعبرات قلبي سابقة دمع عيني
وافرح إلا مني عن البيت صديت
أنسى وأناسي خاطر مبتليني
دايم إلا من اقبل العيد قفيت
والكل يفرح به وقلبي حزيني
يلتم شمل الناس من عقب تشتيت
وأنا طوتني غايرات السنيني
فقدت أنا طعم الفرح ما تهنيت
سبه زعل ما بين رمشي وعيني
لا يوجد تعليقات حالياً