بعد هذا العمر كله كيف ياخلي لقيتك
وما ابي اتجاوزك لحظه بعد هذا العمر كله
كيف قادر تمتلكني وكيف كنت وكيف جيتك
انتا مستوعب شعوري كيف قادر تستحله

انا من قلبي وروحي ياهوى عمري هويتك
شمس عمري ياحبيبي وانت حزاته وظله
كل لحظه ياحياتي مرت احساسي حييتك
للعذول ان قال شي ارجوك تكفى بس قله


كل لحظاتي معك وان غبت في لحظه سهيتك
والشعور اللي اعيشه ماذكر ان غيرك وصل له
اه لو تعرف في بالي كم وكم مره طريتك
انت اساساً كل طاري منك منهو اللي يمله

ان نويت اصد لحظه جيت بالبال وخذيتك
لعنبو حي المشاعر مالها مذهب ومله
صح انا واعي وعارف واعترف اني شريتك
وكل درب ٍ في حياتي تعرفه زين وتدله