انا وحدي معا نفسي تسليني واسليها
لقيت وصالها جنة واحسب ان البلا فيها
انا كامل ولا احتاج الى حاجة تكملني
انا روحي تكفيني عن الدنيا واكفيها

ولا احتاج الى رفقة تعذبني واعذبها
ولا خيبة من احباب على نفسي ابديها
ولا طعنة ولا غبنة ولا كلمة تعورني
ولا بسمة ازيفها ولا دمعة اخبيها


انا تحتاجني نفسي تناديني تبي قربي
تناديني وانا لاهي ادور من يناديها
حياتي كاملة فيني انا اللي بس اكملها
ولا غيري بيمليها لو اني مقدر امليها

حرام استرخص احساسي عشان اتجنب الوحدة
وادخل نفسي بقصة تعيسة ايش ابي فيها؟
واذا ربي بيكتب لي علاقة صادقة تسوى
اكيد اني ب اقدرها واقول الله يحييها