جيتني تسأل حبيبي عقبكم ايامي كيف
بعد هجرانك لقلبي في حياتي صرت طيف
ابشرك انا بخير وجروحي والامي بخير
وش تبي مني ترا انت صرت عابر صرت ضيف

انا عقبك بالف خير والحياه اجمل بدونك
ماوحشني شي فيك لا ولا حتى عيونك
انا في دنيا المحبه عايش في احلا غرام
وانت عايش في حياتك بين حسراتك ،شجونك


كنت عايش في حياتي ساكنن في وسط عيني
كنت شوق العمر كله انابييك وتبيني
للاسف بعت المحبه وضاعت احلامي معاك
وانتهت اجمل حكايه في الهوا بينك وبيني

روح انا بعيش دنيا الحب واحيا في غيابك
روح يكفي ما حصلي يا حبيبي من عذابك
وانا بقضي باقي عمري مهتني بحبي الجديد
عنك انا صكيت بابي سو مثلي وصك بابك