ياكبر قدرك ومااكثر حبك بصدري
واحد .. وفي القلب ياكثرك وياكبرك

اسرتني ياحبيبي وانت ماتدري
واليوم ماني على خبري .. على خبرك !

وجدي وبري حالي
يازمان ٍ مضالي

يوم وقتي صفالي
لابغيته لقيته

انشده عن علومه
واتحمّل همومه

جعلني قبل يومه
وان دلَه مانسيته

كان تبغى مبرّه
صاحبك لاتضرّه

شارعه لاتمره
دامه يمر بيته

كثر حبات عَقده
بين وصله وفقده

حال عِقده وعِقده
دون حلم ٍ رجيته

لو منعته ظروفه
وامنعه كثر خوفه


ماتقصّر طيوفه
لاوحشني دعيته

جنب دقة زمامه
ليتني كنت شامه

لو يغطي لثامه
مامنعني .. فديته

لاانثنى مال كله
ايعجز عنه ظله

كن بالارض خِلّه
مشيته مبتليته

طلّته مثل غيمه
رقّته مثل ديمه

يعطي الصبح قيمه
كان فيه ابتديته

ايه احبه واصونه
كثر مااعشق عيونه

معه والا بدونه
رغبتي مستميته

حي وجهه ولبّا
كثر شوقي المخبّا

والجفا ماتربّى
هدّني ماقويته