دام أخذت القلب تاركني لمن
إختصرها وخذني لك صورة وصوت
يللي حبك عندي لا يمكن و لن
أرضى اني بغيره أحيا لين أموت

اني لك قررت أسجلني علن
وبسمك أختمها على روحي ثبوت
وشهو أحلا من الحياة إلا سجن
به سجين بحب سجانه يموت

حبه لك ما مر على هذا الزمن
وما يمر عادي على الدنيا ويفوت

اللي ماحب نفسه قد مافيك جن
وش يسوي وإنت له زاد و قوت

إنت حاجة لا تقدر بأي ثمن
تحفتي راحات نفسي من الشتوت
ضي عيني ضحكتي أهلي الوطن
روعتي حبكة قصيدي في البيوت

وقلبي لو له أمنية و قالو تمن
والذي ‏نجا النبي من جوف حوت
ما يبي غيرك ولا إلغيرك يحن
لين خفقاته يوقفها السكوت