ابسم عسى تبسم حياتك – ميحد حمد
ابسم عسى تبسم حياتك ... ياقايد الخفرات والعين
عطاك ربي لك غناتك ... واصبحت سيد في المزاين
هنيت يا سيدي بصفاتك ... وانا غني بك من الملاين
كل يوم بي تكبر غلاتك ... والقاك دوم بعيني تزين
من الحسن سيدي شراتك ... مثلك فلا قد شافت العين
الشمس تخجل من بهاتك ... والبدر لك بانواره يبين
مثل العسل منطق شفاتك ... ذرب وموزون بموازين
والطيب من اصلك وذاتك ... واضح ولا يحتاج تدين
ياسيدي ما احلا سماتك ... حسن وطيب واصل ودين
فقت البشر كلها بحلاتك ... ماظنتي مخلوق من طين
ابسم عسى تبسم حياتك ... ياقايد الخفرات والعين
عطاك ربي لك غناتك ... واصبحت سيد في المزاين
لا يوجد تعليقات حالياً