على كثر الغلا والشوق
وما يُحكى عن الأحباب
أحبك حُب.. أنا نفسي عجزت أفسره للحين
وجودك في حياتي
سَجّل الدنيا في عيني غياب
خذاني وما أبي أدري..خذاني كيف ولاّ وين ؟!
فديت إحساسك الدافي
أنا وقلب ٍفي حبك ذاب
إلين أمسى يحس إنّك "أنا".. مايدري احنا إثنين!!
وإذا قالو بلاه الحب
أبدعي يا جعل ما طاب
أنا قرّرت حرفياً .. أخلّي عقلي للباقين

أنا ما همت بك صاحي
أنا مْودّع بك الألباب
أنا من زودك بصدري وخوفي من عذول البين
قفلتك في ضلوعي حب
في قلب ٍما له إلاّ باب
مفاتيحه في علم الغيب وما يُفتَح ليوم الدين
أحبك لين ماله لين
فضا ما له مدى وحساب
وحتى عيوبك أعشقها وأشيَنها في عيني زين
حياتي إنتَ وميلادي
مْ هو اللي من سنيني غاب
أنا عمري بدايتنا.. وعمري بْهالثلاث سنين