أنا مقدر أكون أني حبيبن في بعض أحوال
أنا كلي أجي والا أروح بعزتي كلي
خذاني لك سؤالٍ في عيونك والجواب محال
خذاني منك دمع في عيوني مارضى ذلي
انا تخيرت الفراق ومادريت أن الفراق وصال
أقول اني نسيتك بس مدري كيف توصلي ..
تجيني في الاغاني في السوالف في سؤال الحال
تجيني كل ما شميت عطرك ويتخيلي

رحلت أنت وتركت لخاطري طيفك وصبري طال
غدت ذكراك شمس ما تغيب وصورتك ظلي ..
حكيت ومالقيت من الحكي إلا الندم موال
سكت ومت بالحسرة ولا ادري وشهو احسن لي
أحبك .. كل ما فيني يحبك يا خلي البال
تخيلتك دواي وصرت جرحي الصعب ياخلي ..
تعبت أرحل مع وجيه الناس بانساك بالترحال
ولا أدري وش يجيبك في وجيه الناس وأهلي