صارلي هواية ما ضاحك من كل قلبي
أعرف الضحكة دربها غير دربي
دنيا ما حصلت منها غير تعبي .. آخ قلبي

مالي خلق لأي إنسان
ضايج وكلش تعبان
الناس صارت بس لسان ومحد يدوم
مالي واهس اسمع شي
أي حكي ما صدق بيه
اني بيه الهم يكفي وشابع هموم

ما وفى وياي بحياتي بس جروحي
حاير لغيري أضحي وناسي روحي
واضح وجتني المشاكل من وضوحي
آخ قلبي

وليش أعيش بهذا المود؟

دمعي ما خلالي خدود
لايردها ايام السود .. ياما عانيت
هوايا من أيامي راح
عشت بس هم وجراح
اني هم اريد ارتاح .. والله مليت

صار لي هوايه ما سامع كلمة حلوة
تعب جايبها بتعب كل يوم بلوه
الدنيا من قد القهر صارت متسوى
آخ قلبي

خلص ما عندي نقاش
لان قلبي بكذبة عاش
الحچي صار ببلاش .. وياما يحچون
أسمع وما ادير بال
شفت من عدهم أشكال
هذا يحچي وذاك قال .. وما يرحمون