كلامك اللي يدوّخ قلبي في دروبك
ناهيك عن حسك اللي ياخذ أنفاسي
وش ودّى قلبي ورى الشمس إلا إسلوبك
ويا لبى شمس وراها قلبي وإحساسي

انت الهوى والكمال بعين محبوبك
شبيه روحي وسموي لارتخى باسي
مافيك عيب سوى اني ما أرى عيوبك
حتى تغليك أحبه يا بعد ناسي


ويا شمس يومي اللي كلما حين غروبك
أرقب صباحك ويغمرني وله قاسي
أعطش واذا حال دون الوصل عذروبك
عصرت ماي الخيال وشفتك بكاسي

فيك احسد العطر بين أنسامك وثوبك
واحسدني أحيان يا تاج على راسي
وان جت على الروح انا والروح من صوبك
من اول الحب لين اتوقف أنفاسي