‌‏ألا يا من سرق قلبي مع فكري وراح البال
‎وانا اللي داريٍ بأني أبد ماني على باله
‎سرقني سرقة الراهي ولا بقى أبد لي حال
‎خذا قلبي مع روحي خذا حالي مع حاله

‎انا والله حسيب اللي غدى لي بالهوى ختّال
‎يخاتل قلبي اللاهي الين انه تهيّا له
‎خذاني من غدا خصره ترسّم مثل رسم هلال
‎وعودٍ لا تغريف به ينبه من غدا داله


‎انا من عينه النعساء عرفت ان الهوى قتّال
‌‏دخيل الله من رمشه اذا سلهم على فاله
‎يناغم خطوته كنه يداعب مشيته خلخال
‎يغازله الهبوب اللي يلاعب ثوبه وجاله

‎ثليل العين من حسنه تميّز في طرفه الخال
‎وعنقٍ كنه الريمه ربط قلبي بسلساله
‎بقى حالي على حالي ولا بقى كثير آمال
‎ولكنه صحيح اللي سرق قلبه هنيّا له