كل عمري ماضاحك صدگ
اشتم هوه الله ومختنگ
حتى الچكارة ماوفت
تطفه واظل انه احترگ

غير الأذية والتعب
شمحصل من المستحه
ياهو الأدوّر خير اله
ألگاه ايدوّر مصلحه

ممنوع احن عالما يحن
ماريد اظل ذكرى بسجن
قررت احب نفسي بعد
من طيبتي جرّيت اذن


آنه الگبل بي ينحلف
وجهي من الهموم اختلف
كدام المراية دخت
وي روحي ضيّعت العرف

منّ التعب گلبي اكتفه
سديته موضوع الوفه
يمكن لأن صافي گلب
بالي ولا مرّه صفه

يادنيا ارحميني تره
خلّصت عمري الزم سره
وللفرح دوري من وصل
رجعني وكتي ليوره