يا شاكي الهم انا شابع هموم
معي من الهم ما يكفي سنة
يهيي كم اشكيك لكني كتوم
اعصب على الجرح سكته واغبنه

لا عاد بنضحك ولا عاد بين انوم
ولا بنهنى السلا والهنهنة
اسامر الليل واعد النجوم
واساير الوقت ذا والدحنه

اين طرحة القلب هذيك والعلوم
قد سار من كل حالي احسنه
لا حب طاهر ولا عشرة تدوم
ولابقى بقى في البشر من تأمنة


نلوم الاقدار ولا من نلوم
واحلامنا ما تحرك ساكنة
بنعيش نفس التفاصيل كل يوم
والعمر كمل سنة تاكل سنة

اخاف من سوء حظي لا يدوم
واحقد على كل سالي والعنة
عن قهري الدهر مش راضي يصوم
مجرم ولو شاف مسكين يطحنة

واذا شكيت الشكى ماله لزوم
في وقت صار الشكى به ملعنه
يا شاكي الهم هجعني وقوم
وابكي على من نواحه دندنه