يشبهك قلبي كنك لقلبي مخلوق
وعيوني لا شافتك وجهي تضيا
في الأرض مايشبهني غيرك ولايلوق
ومن الفضاء ما مثلك إلا الثريا

من ياسر القلب ويجي له على الذوق
من غيرك اللي لا تلقاه حيا
متوسد ضلوعي وممشاك لعروق
وما بين أحاسيسي وروحي تفيا


انت اختصرت الناس شكلٍ ومنطوق
ما في البشر حد بجمالك تهيا
صوتك يسفر قلبي ويطيربه فوق
وش عاد شوفة مبسمك والمحيا

أهواك..كلمة لوهي تنقاس بالشوق
حتى خيالك لو بيحصيها عيّا
مستوطن أعماقي لأخر مدى الموق
ومن سابع أرض أهواك لين الثريا