قدرت اعرف جميع اللي تبي وكنته
قدرت الغيني واتوحّد مع ذاتك
قدرت اشوف جرحك وين وضمّدته
قدرت اساندك ف اصعب محطاتك
حلم القرب منّك سهل حقّقته
قدرت اكون في كل اتجاهاتك
وصلت لباب قلبك يوم شرّعته
عجزت أرقى ب نبضك لين خفقاتك
أجل ماكان هذا حب
أجل كلّه تهيّالي
أجل كلّ الحقيقه كذب
قصّه عشتها لحالي


حزين وداخلي مكسور كسّرته
وانا احاول أعدّي سفح نظراتك
يفرّحني قليلك لين جاملته
ويجبر خاطري وهو من لطافاتك
ألم واحساس تعّبني وتعّبته
وخوف يهزْ روحي ب كل صدّاتك
خذاني الحلم غرّر بي وصدّقته
ظلمتك وانظلمت وفاتني وفاتك
أجل ماكان هذا حب
أجل كلّه تهيّالي
أجل كلّ الحقيقه كذب
قصّه عشتها لحالي