شوقي واصلن حده
لامن طالت المده

قلبي شفه ووده
لامن طالت المده
ماتبطي ولاتبعد

لبى شوفة اعيونه
لامن جاء لمظنونه
قبل يبيح مكنونه
رحب من ضميره جد

اي والله احبه موت
واحساسي مهو مكبوت
واجهر به رفيع الصوت
يالبى نعيم الخد

ولف خذا قلبي وعقلي وروحي

متملك احساسي وله صدق بوحي
مدهاله بقلبي ولاحدن يطوله
له الغلا واحساس قلبي صحوحي

اصغيرن ترفن غنوجن مدلع
منهو يلوم القلب فيه ان تولع
يسمع كلام الشفتين العسوله
وماهوب لايم قلبي الي تشلع

اموت واحيا فيه وابغيه واغليه
وقصايدي واحساسها كلها فيه
اذا كتبت البيت فيه بأصووله
ابيوت هجسن حسها في معانيه

محبتي له ماهي ايت محبه
معاهده بالله ربي وربه
ماخونه وقلبي هو اول ميوله
حتى خفوقي كل مابطى ينبه