برفوق ياسيد المضانين برفوق
مالي على صدتك جِهد ومناعه
تركت لي جرحً معرى ومفتوق
لا مرت الذكرى يزيد اتساعه

حزين من جدي وضايق ومخنوق
كله امن اسباب الجفا والقطاعه
اكابد اللوعات واليأس والشوق
عقب الوصال اللي تطوى شراعه

واللي يهد الحيل ويّدبل العوق
لا طروا اسمك تو عيني لكاعه

جهال مايدرون كم نِي لك اتوق
وان الضلوع بسبتك في مجاعه

واني لك اسوق الغلا والوفا سوق
وان مالي بغيرك شفوف وطماعه
والا انت يابو عنق اتلع ومنتوق
البعد ماجرح خفوقك ولآعه

ماهبك الغربي ولا سهّر الموق
ولا لقيت من القرايب جّزاعه
لو قلت لك ماهمت بعدك بغرنوق
بتعود لي وتكب درب القطاعه