موجنت كلش حابه
صايرله حبه وصاحبه
غرته الدنيا الخايبه
وماشالته الگاع
حسباله راح اتدوومله
مايعرف اشمظمومله
ماقنع بالمقسومله
تالي انتهه وضاع

حاولت اقنعه وماقنع
سوه البراسه وماسمع
تاليهه متندم رجع
ماطار طيرا وارتفع .. الا كما طار وقع
كتله الحياه اخذ وعطه
شو باعني وبيه نطه
هذا الطمع قل ماجمع
ماطار طيرا وارتفع .. الا كما طار وقع

كلوله لايشتاقلي
يحلم ارجعه اويايه
جروحه بعدهه ابداخلي

شنساله هنه اهوايه

أمنته روحي وخانهه
باع الوفه وما صانهه
هالعشره من عنوانهه
متبشر ابخير
كافي مشاكل زايده
خلي يسوي الرايده
ما من ورا كل فايده
ومو مال تقدير
دللته حبيته عمر
تاليها شبعني قهر
كل التعب بي مانفع
ماطار طيرا وارتفع..الا كما طار وقع
قابل شسويله بعد
ويايه راحه ماكعد
كلش ميستاهل طلع
ماطار طيرا وارتفع ..الا كما طار وقع
كلوله لايشتاقلي
يحلم ارجعه اويايه
جروحه بعدهه ابداخلي
شنساله هنه اهوايه