ما مجبور احب انسان
هو بعمره ما حبني
وما مجبور اظل اشتاگ
كلما لحظه فارگني
ليش انه افكر بي
وهو بيه ما فكر
كلما حاولت انساه
اعرف بروحي ما اگدر

وادورله عذر ظليت
واگل الروحي يتندم
اليسحگ عالورد معذور
اذا ما يدري بيه ينشم
ما مجبور احب انسان
اصلآ هو ما مهتم
مومعقوله اخلص اسنين
عمري بحبه بس احلم


ليش ابقه اظل ما اشوف
غيره واحد بعيني
وهو حتى (خارج قوس)
ابگلبه ما مخليني
بعد ما اريد اظل مشغول
بواحد ما اجي اباله
بس گلبي اتوبه اشلون
وهو يريد گتاله

ردت غيره احب وارتاح
لكن گلبي شيقنعه
يحب المايحبني وضال
مثل القانع بوضعه
احس بعيني لذه اصير
اذا بچاني اي دمعه
الساكن بالگلب والروح
محد يگدر يطلعه