على العارض نشت غيمه ورا غيمه وطاب الفال
ليالي عشق نجديه ثراها بالوله منطور
تغنت نجد في برق الحياه والنور ضيا امال
على وجه خلقه الله من عز وشموخ ونور
نحب حبك ما يوصف ولا يكتب ولا ينقال
شعور لو بغينا نطول بعضه ما كفاه شعور

حلالك كل ما فينا من اقصى القلب لأقصى البال
تفيا في هدب عين تشوفك ظلها والسور
وش نسميك وش نضرب مثل يا مضرب الأمثال

يا فرحة من نسى الفرحة يا جبر الخاطر المكسور
لو نقول الجدي كتفك تملكه الفخر واختال
ولو نقول البحر كفك شهدنا له شهادة زور

يا عزوتنا رعاك الله لنا والله يديم الحال
عسى ما ننحرم طيبة ملامح وجهك المسرور
وقف فيك الحكي لكن حديث قلوبنا همال
يا اسم توقف الدنيا اذا عنه الحديث يدور
على عبدالعزيز ابن فهد باقي حكي ما انقال
ومدام الغيم ما طالك ترى قصر الحكي معذور