أحب البر واشد الرحايل … وادور قلب ضايع في البوادي

واشيد خيمتي وادمع سايل … وانوح بصوت وازقر بالحوادي

واحمس البن ما بين المقايل … غريم الشوق والورقا تنادي

واسلي خاطري باحلا المثايل … من اليعات واصفق بالايادي

وانا في دار ذربين الفعايل … سناد الضيف والليم سدادي

لكن الحب خذني بالدغايل … وخلاني معذب في فوادي


زرعت الحب في أرض المحايل … وقمت أسقيه من لولب فؤادي

وشفت الارض مافيها صمايل … هشيم زرعها مثل الرمادي

صبرت ايام وسنين طوايل … وريت الدرب والمسراح زادي

وكم هويرت في شمس القوايل … وكم أسهرت يوم الليل هادي

ومن عقب التعب رديت فايل … وغيري نال قصده والمرادي

وتم الجيل في ختم الرسايل … عدد ماخط في حبر المدادي