يقولون – وليد الشامي
يقولون المحبة الصادقة تبغي فعل وكفاح
وانا اللي كافحت دنيا وآخر همّي حسّادي
انا مركب رفض يقبل نوايا الموج والأرياح
أموت بعزّ لكني انا ماغيّر مرادي
تبي التفاح بالمنطق تعلّم توصل التفاح
ترا التفاح ماينزل على راحات الأيادي
انا ماعيش في كذبة علاءالدين والمصباح
أرددها مثل غيري عشان انيّم اولادي
انا اكره ناس للحاجة تجيني بدمعة التمساح
وانا اللي أكرم الصادق لو هو ياخذ اعيادي
انا فيني مشاعر تستهيض البلبل الصدّاح
انا فيني قصايد طيّرت من عيني ارقادي
عشقتك في زمن كاذب وفيه الحب لعب مزاح
لقيتك انت الصادق وغيرك أخسره عادي
كفايه إن كتبت اسمك على الأرواق انا ارتاح
كفايه ما نطقت اسمك وقلبي باسمك ينادي
خرز اسمك على قلبي وعِرقي خيط للمسباح
أعِيشك في طمأنينه وكنّي عايش بلادي
قلوب الناس ماتخلق معاها للزمن مفتاح
واحسك انت مفتاح القلوب ولحظة اسعادي
وانا مثل الخلوج اللي تحن اذا نو مسراح
واحس روحي على جداد المطيه لاحدى حادي
صحيح الحب له قسمه وربي مازج الأرواح
مزج روحك مع روحي وقلبك مازج فوادي
لا يوجد تعليقات حالياً