ايه جرى ياقلبي – محمد عبدالوهاب
ايه جرى ياقلبى ايه؟ كل يوم لك حال جديد
ليه بتشكي الوحدة ليه ده انت طول عمرك وحيد
ياهل ترى؟ ياقلبي ايه اللي جرى؟
خايف تميل ويا الهوى تحتار معاه واحتار انا
اوعى ياقلبى تكون حنيت
للي شــــكيت منه وبكيت
ياما قاســيت ياما حبيت
اوعى ياقلبي
شــايفك ياقلبى بتعانى وتفتكر فى ليالى هواك
خايف عليك تعشقه تانى ويحيرك واحتار وياك
نرجع نقاسي زي زمان ساعة رضا وساعة هجران
طاوعت حبك ليه اسالني انا عنه
ده اللى بتبكى عليه ياما بكيت منه
انت كنت ناسي انا فاكر ياما طويت الليل ساهر
اوعى ياقلبى تكون حنيت
للي شــــكيت منه وبكيت
ياما قاســيت ياما حبيت
اوعى ياقلبي
لا يوجد تعليقات حالياً