تجرا وقولها تكفى تراني محتريها .. حيل
على احر المشاعر وأنت متعب قلبي برودك

تجرا والعمر لا ينسرق صبحه بعز الليل
ولا تاخذك لحظات الحياه وتغرب وعودك

أحبك قولها خل المشاعر تنجرفبي سيل
تلطف بي وخذ قلبي بطيبة قلبك وجودك

حبيبي أشعل الدنيا بعيني وأضوي القنديل

انا خايف من العتمه ونور كوني بوجودك

أمانك غاية شعوري وانا شفت بحياتي الويل
متى يطفي ضما روحي وتمطر لهفة رعودك

تعال نلون الدنيا بضحكات الهوى ونميل
ميولي انت واحساسي زهر نابت على حدودك

تعال فعالمي واكسر جمود الصمت والتأجيل
ترى عروق قلب اللي يحبك صارت قيودك