كتبتك حب في قلبي قصيدة غير في الاوزان
تعبر لك عن اشواقي عن اشواقي عن اشواقي
تساور حبك ضلوعي و يفز القلب لك ولهان
تخيّل قد ما احبك .. ما اظن تفارق اعماقي
احبك كثر ما انسى في قربك جملة الاحزان
احبك ما قدرت اقول غير انك ابرك أرزاقي

حبيبي لا حضر هيبة و جنابه طود عِزّ و شان
يحاول يخفي أشواقه .. و اثره حبيبي يشتاقي
انا اللي بينه و بينه .. و أنا له أصدق الخلّان

له الله كل ما أملك .. و عمري الحالي الباقي
يباري بالغلا قلبي .. و يجاري الدم في الشريان
و يملك فوق نظر عيني نبض قلبي و خفّاقي

انا ما هوب مثل غيري احب احيان واغيب احيان
يغيب الكل من حولك .. غروب و تلقى إشراقي
قلبي القاسي لغيرك .. لغيرك من البشر ما لان
يا غير انّه عليك يحّن ..يحّب بصدق و يتاقي
احبك حب هو صادق .. يعّمر يالغلا بنيان
شواهق للسما تشهد .. حب قد فاق الافاقي