حياتي عمرها ما كانت باختياري
غصب عني لقيتك بتاخد قراري
بتعاملني كأني مجرد خيال
وإن جيلنا ده كله شوية عيال
لا.. احنا ملّينا السكوت
لا.. خلاص بقولها بأعلى صوت

اسمعني.. انت اللي بتضيعني.. للماضي بترجعني
وعايز تحبسني فيه
أحلامي.. انت اللي قضيت عليها.. لما اتحكمت فيها
طب فاضل ليا إيه

احنا جيل اللي شايب وهو شباب
كل حلم بألم كل خطوة بعذاب
شيلنا هم الحياة دوقنا مرّ السنين

لأ وعايزينّا برضه نعيش مذلولين
لا.. كلمة واحدة هقولها ليك
لا.. مش هبقى نسخة من ماضيك

اسمعني.. انت اللي بتضيعني.. للماضي بترجعني
وعايز تحبسني فيه
أحلامي.. انت اللي قضيت عليها.. لما اتحكمت فيها
طب فاضل ليا إيه

ليه أبقى زيك تمام.. أهو عايش والسلام
وتتوّهني الحياة
لا.. أنا هختار الطريق.. وهعاند كل شيء
ودي أيامي أنا..

اسمعني..