كِلّما حَن رمْشي للرّقاد وتهيّا
هيّضّتْه الطواري واسْتباحت ونينه
جِعْل منْهو حَرمْني شوف ذاك المحيّا
مايشوف ابْزِمانه غيْر ذِل وْ غبينه
كِلّ ليلٍ بدونه زايرٍ ما يحيّا
وكل صبْح ٍ بليّا شوْفِته عايفينه
آه يا بِعْد وصْله بِعْد نجم الثريا

والله انّي وقلبي يا ملا فاقدينه
كِلّما لاح طيْفه فَزّ قلبي حميّا
هشّم اضْلوع صدْري من يسار وْيميْنه
آه ياحظٍ اقشر صدّ دونه وعيّا
تاركٍ دمْع عيْني للطواري رهينه
ولا تواسون دمْعي اتْركوني بليّا
وش يفيد الْمواسى والفقيده ثمينه