يا ورد هات الورد والشمع بيدك لك عندي يا ورد المحبه بشااير
يا ورد هذا اليوم تاريخ عيدك ما تدري انه اليوم خمسه يناير

ودي ارصع بالفرح عقد جيدك والبسك من حب قلبي حرااير
واجعل قصيد الحب كله قصيدك وافرح ابشوفك واترك الكون ثاير

يا فايقن بالحسن والزين قيدك انت البدر او مثلك البدر ساير
ريمن تمنى كل سهم يصيدك لكنك بعيد عن الناس داير


لو يرسمك فنان عيا يجيدك في رسم حسنك كل فنان حاير
كل ما انتها من وصف سحرك ايعيدك او يعود لك قلبن به الشوق زااير

يسعدك ربي بالوداد وايزيدك وانعيش معك في عيد خمسه يناير
جيت احتفل بك واشعل اشمووع عيدك جيتك وانا من لهفت الشوق طاير