نوم العوافي يا عرب كيف المراقص والطرب؟
يهنى بعدها نومك وتنسى الشرق لا الغرب
وسجل يا تاريخ اليوم صوت الغضب
وصور يا تاريخ لا تدون في الكتب
بالحرق يزوروك صوت وصورة صعب
ولا بذكاء صناعي يصير فيك اللعب

وصوّر يا تاريخ دخان غزة واللهب
مين باعك يا غزة وع صراخ اهلك انطرب
شعبي مش قربان تقدمه لترضي الغرب
غزة كلها انبادت ما سمعنا منكم شجب
ولا حتى في استنكار رسمي يشفي القلب

في كل حارة وبيت قصف ودم للركب
لا كهربا ولا مية وارتوينا منكم سُيَب

ما شفت كم من طفل؟

ما شفت كم من طفل وكم من إسعاف انضرب؟

وكم من عيلة اندفنت كلها من الطفل للأب؟
ومصحات ومدارس موت جماعي طب
وفوسفور أبيض انصبً مش بالخطأ انسكب


يا عربي ..
يا عربي نفس الغرب سموها جرائم حرب

ما سمعنا منكم صوت حتى من شيوخ الحرب
الفتوى اجت منكم لدم محتل اغتصب
أرضنا وأرض جدودنا وكراسي الكم وهب
وعن دمنا حال حالكم اموات ضيعتوا الدرب

وبحكم الله نمضي والقرآن ولسان العرب
واضح وفيه التفسير ان كان عقلك هرب
وبأمر الله نرضى للرب ما نرفض طلب
أولي بأس شديد في النذل نضرب ضرب
بأخلاقنا مش بأخلاقهم ويشهد على هذا الغرب
خلي الغرب ينفعكم في السما يوم تلقوا الرب
يحشرهم ربنا كبير في أحضان أبو لهب