يحيى عمر – سعد جمعة

يحي عمر قال يا طرفي لما تسهر … وان شفت شي في طريقك واعجبك شله

ان كان عادك غريب ما تعرف البندر … اذا دخلت المدينة قول بسم الله

اسهر مع البيض كم يحلى به المسمر … والشمع يزهو اذا شاف البها مثله

الخضر ادله وفيهم نفحة العنبر … والبيض يسلوك للسمرة والقيلة

هذا وهذا وهذا حبهم يسحر … يا من دخل في هواهم تيهوا عقله

خلوه يمشي وهو المسكين يتفكر … لما نوى با يصلي ضيع القبلة

الحب يا ناس كم أفنى وكم أدمر … ما ترحموا غير عاشق فارقه خله

لو كان بيده مفاتيح بحرها والبر … الأرض ما تستوي عنده كما قبله

وعاد قصة عجيبة في هوى الأخضر … شمه وطعمه وريقه يبري العلة

يامر وينهي ويحكم داخل البندر … دولة عظيمة ولا احد يعصي الدولة

وصلت إلى بابه المحروس اتخبر … متى يواجه ابو معجب يبا وصله

ما جيت الا وقالوا إنه استعذر … ما عنده الا حمام الدر تسجع له

وهو كما البدر تاكي فوق ذا المنبر … اربع وصايف لاجله قايمة قبله

اربع يغنون وخمس ابكار تتخطر … وخمس الى قام يلعب يمسكوا حجله

فقلت قصدي أشاهد ذلك المنظر … ان كان هذا ملك فالمملكة لله

قالوا لي اطلع وسلم واستقم واحذر … فاقصد بما قد عزمت ما جيت من أجله

طلعت واني بزين اهيف يب اخضر … لابس مشجر ذهب والطاس والحلة

المرتبة طاس والكرسي من الجوهر … وابو معجب لو رآه لا بد يخضع له

وقلت سيدي بكى المملوك يتجور … ارحم متيم بحبك يسألك بالله

قال ابشر ابشر ولا تضنى ولا تضجر … فشل هذا جبا لك مننا كله