يجيك النوم ولا كنك مسوي شي
وانا نومي مجافي عيني ياخلّاف
إذا لك قلب ينبض أو تحس شوي
محال اتصد هالصدة ولا تنشاف !
أحبك زي حب امك حبيبي .. وزي
دعاها وخوفها .. أدعي أنا وآخاف !
لك العمر ولك الضحكات ومابيدي
ولي الصبر وعسى خير وعسى ماخلاف !

ظميتك ليه وانته في حياتي مَي
كذا ما ظنّ ياعمري ترا انصاف
يسولف شوق عين ذي لعيني ذي
بحرف العين، حرف الشين، حرف القاف
تبيني قولها بصوتك حبيبي : إي
عشان تصير احزاني علي اخفاف
واذا بتعاف احاسيسي مثل ماهي
بقول انك تبي .. لكن زمانك عاف !