أساتذة في الحلول
شهامة لبكرة قول
نصاحة وفهلوة
وأي جرح وله دوا
لاعيبة لاعيبة
وطيبين طيبة
تقدرهم يقدروك

يبهروك يبهروك
في حتة الكرامة تحسهم ملوك
دول ملوك
وفي وقت الشدة هما اللي يسندوك
يلحقوك
وفي وقت الشدة هما اللي يسندوك

شوف بيوت الطيبين
طلعت كام عبقري
من الصعيد والفلاحين
ساب تاريخ وهيتقري

ساعة الجد أسود
كتف في كتف لكل جنود
واللي بيلعب معاهم
جه برجليه على الشوك


يبهروك يبهروك
في حتة الكرامة تحسهم ملوك
دول ملوك
وفي وقت الشدة هما اللي يسندوك
يلحقوك
وفي وقت الشدة همّا اللي يسندوك

طيب شوفت مين بجد
همومه فوق كتافه
ويقولك ماشية فل
بالذمة قابلت حد
تعدي عند بيته
وينده تعالى كُل

ده مفيش لا زي دول
كُرمة وولاد أصول
عايز تمدح لي فيهم
قعد لبكرة قول
دول طبيعي يشرفوك

يبهروك يبهروك
في حتة الكرامة تحسهم ملوك
دول ملوك
وفي وقت الشدة هما اللي يسندوك
يلحقوك
وفي وقت الشدة همّا اللي يسندوك