يا حمامه غريبه – سلامة العبدالله

ياحمامه غريبه .. كل صوت تجيبه

من سمعها تصيبه .. حسبك الله حمامه

ذكرتني وليفي .. مير ماني بكيفي

ليت حملي خفيفي .. ياحيات الندامه

عقب فرقي عشيري .. مايلجلج نظيري

علتي في ظميري .. وين انا والسلامه

ماقدر اقوي فراقه .. عقب ذيك الصداقه

صار شوفه شفاقه .. صاحبي وش علامه

جأيز لي دلاله .. عنه ماني بداله

ماتبدل بداله .. لو لحقني ملامه

طبع مظنون عيني .. بس بينه وبيني

لاهرج كلمتيني .. حط معه ابتسامه

راعي الحب مثلي .. في هوى الزين مبلي

عنه ماعاد يسلي .. لين يلحق مرامه

شوف خلي تجاره .. وابتعاده خساره

صاحبي به اشاره .. حول شذرات زمامه

راعي العود خله .. يظهر الصوت كله

ظامري فيه عله .. خافيه ياسلامه

حسبي الله علي اللي .. حال من دون خلي

يوم فرقاه مسا لي .. مثل يوم القيامه