يا بعد روحي .. منشغل بيك
وما اريده يبدي يومي .. الا يمك
ايطيبن جروحي .. من الاگيك
والسكينة بگلبي تنزل واني يمك
ولاخر نفس أظل .. احبك اني
ولو بطلت احن .. ميت عساني
ولا ما نسى الگلب .. واحد يريده
لو مر هذا العمر .. يمك اعيده
على صوتك انام وتغفى عيني
وابتسم بالحلم لمن تجيني
ادري غيرك حضن ما يحتويني
بعد روحي وبعد عمري وسنيني
هذا كله واكثر .. شوگي ألك
اكثر شخص بالكون .. اشتاگلك

حبني بس وحدي .. اني اوصيك
اني اريد تحبني وحدي .. بس إليه
لو صرت ضدي .. بگلبي اخليك
والاذية حلوة منك .. الاذية
ويومية مستعد .. اعلن غرامي
گدها وما أبتعد .. واثبت كلامي
يا احلى شي يجي واني بمنامي
ودون البشر ألك صار اهتمامي
الف مرة إسأل .. واسمع جوابي
اني احبك وانت هم حبني بغيابي
انت المخلصني من همي وعذابي
شيبت وبضحكة منك رد شبابي
اكتب احلى ذكرى .. بحبك صرت
غيرك بعد ماريد .. لا ماردت