يا اناني – فلاح المسردي

يا اناني كيف تجفاني وانا اللي
ماتوقعتك تصير انسان اناني

في وعود الحب كنت اجيك كلي
واتثاقل دونك حساب الثواني

كل شي ارجيه منك ماحصل لي
وين سالفة المحبه والتفاني

كيف صرت انسان ثاني وانت خلي
نصفي الثاني وصرت انسان ثاني

كنت قلبي كنت عيني كنت ظلي
وصرت منك اضيق واحاتي واعاني

ومابقا لك في محاني الصدر ملي
روح واللي قد حصل منك كفاني

ومن جفاني لايجيني في محلي
جعل ماهو مرحبا باللي جفاني